~~~~~~~~~~~~~~~~~~~~~~~~~
जीवोद्धाराचे अवतार कार्य स्विकारुन अवतरलेले आमचे सर्वज्ञ श्री चक्रधर प्रभु, आपल्या उद्धार कार्याची सुरुवात करुन, भंडारा येथे आले. श्री निळभट्ट भांडारेकार यांना निमित्त करुन त्यांनी आपल्या उद्धरण कार्याचा शुभारंभ केला. शिष्य समुदायातील सर्वाद्य शिष्य होण्याचे भाग्य निळभट्टाकडे जाते.
काण्व शाखेचे ब्राह्मण निळभट्ट आपल्या वाड्याच्या ओसरीवर पोथी बघत बसले होते. पण त्यांच्या प्रश्नाचे उत्तर काही त्यांना मिळत नव्हते. त्याच वेळी परब्रह्म परमेश्वर अवतार सर्वज्ञ श्री चक्रधर स्वामी त्यांच्या समोर येउन उभे राहिले. श्रीमुखीच्या परावाणीतून उच्चारलेल्या, “ भिक्षा ” या अमृतवाद ऐकुण देखील, अधोमूख असलेले निळभट्ट दृष्टि वर करुन गोसावियांची वास न पाहता पोथी चाळण्यात मग्न असतात.
जीव स्वरुपातिल अधोमुखतेचा हा जन्मजात दोष दूर करुन, त्याला त्याला उर्ध्वमूख करण्यासाठी सर्वज्ञ श्री ची अमृत वर्षणी वाणी स्त्रवली व “भट्टो मागींल फाकी पहा,” म्हणताच निळभट्टांनी मान वर करुन श्रीमूर्ती कडे बघीतले. मात्र सर्वज्ञांच्या ठायी असलेल्या अमर्याद गुणानिधितील दातृत्व, सह्रदत्व, हितक्षत्व ये तिन्ही उमटली. त्यांना इश्री गुणसामर्थ्याचा प्रत्यय आला आणि “हाच तो परमेश्वर याची अनुभूति झाली. येथेच जीवोद्धारण कार्याचा शुभारंभ जीवाला उर्ध्वगामी करण्याचा साक्षात्कार..
आमचे स्वामी साधेला म्हणतात, “ साधेहो, जीव ऐसे अधोमूख असती : परमेश्वरु ऐसे वरीपडौनी पाहत असती : एकाधा ऐसा वरैती वास पाहिल, तरी तयाते ऐसाची काढीजैल : (आ.२१३)
आणि खरोखर इश्वरीच्या ठायी असलेल्या जीवा बद्लच्या आत्यंतिक हितक्षेचा, शुभ चिंतनाचा, सैहार्दाचा साक्षात्कार सर्वज्ञां कडून झाल्यावर तो विद्वान ब्राह्मण संसाराचा “मळवत् त्याग ” करुन सर्वज्ञांचे पाठोपाठ निघाला. त्यांच्या पत्निने केविलवाने विचारलेल्या, “के निघालेती ” या प्रश्नाने त्यांना अडविण्याच्या केलेल्या प्रयत्नांना “आता हे जयाचे तया सव निघाले:” अस आत्मप्रतिती पूर्वक उत्तर देउन, हे प्रथम शिष्योत्तम गोसावीया सरीसे, निघाले.
इश्वरीच्या ठायी असलेल्या जीवा बद्दल असलेला आत्यंतिक आत्मत्वाचा प्रत्यय आल्यामुळे लौकिक, वैयक्तिक जीवनाच्या सीमांचा परिच्छेद करुन विशाल, पारमार्थीक, आध्यात्मिक शुभारंभाचे पवित्र असे हे स्थान..
.....
जय श्रीचक्रधर प्रभु...
सा.दर्यापुरकर
«»«»«»«»«»«»«»«»«»«»«»«»«»«»«»«»«»«»
No comments:
Post a Comment