डाकराम सुकळी स्थान - लिळा

श्री क्षेत्र डाकराम सुकळी
जिल्हा गोंदिया.

...
सिंहनाद करने स्थान :
सर्वज्ञ श्री चक्रधर स्वामी एकांकी भ्रमण करीत असतांना एके दिवसी घनदाट जंगलामधे वसलेल्या डाकराम या गांवी पोचले. गावामधे करपात्री भिक्षा केली. आरोगणा झाली. सायंकाळी निद्रा करण्यासाठी गावाला लागुनच असलेल्या भिवेश्वर मंदिराकडे आले. तेथे पारावर [ए.वा.पौळीवर] गांवातील लोक बसले होते. त्यांनी सर्वज्ञ मंदिराकडे जातांना बघून म्हणाले, "देव हो या देवळाकडे जाउ नका. येथे रोज रात्री वाघ येतो." त्या अगाधचक्रवर्तीने लोकांचे म्हणने दुर्लक्षीत करुन, मंदिरात गेले चौकात आसन झाले. नंतर निद्रा झाली.
मध्यरात्री लोकांनी सांगीतल्या प्रमाणे विश्रांती साठी वाघ आला. सर्वज्ञाकडे कटाक्ष टाकून डरकाळी फोडली. सर्वज्ञांनी केलेला सिंहनाद ऐकून वाघ पौळीवरुन [wall compound] उडी मारुन जंगलामधे निघून गेला. गोसावियानी निद्रा केली. प्रात:काळी उठून ध्यानस्त बसले असता, सकाळी गावातील लोक देवतेची पुजा करण्यासाठी टाळ, घोळ, काहाळा, कासौळी, मादळ वाजवित व मोठ्याने आवाज करीत मंदिराकडे आले. त्यांचा हा नित्य क्रमच होता. कारण वाद्याच्या आवाजाने देवळातील वाघ निघून जात असे. परंतु आज मात्र वाघ निघाला नाही. मग एकमेकांना म्हणू लागले की,"सायंकाळी जे देव या ठिकाणी आले त्यांना नक्कीच वाघाने उपद्रव केला असेल. चला बघू या !"
म्हणून भित भितच मंदिरामधे आले. चौकामधे स्वामी आसनस्थ होते. "अरे हे तर इश्वर पुरुष " म्हणून सर्वांनी दंडवते घातली श्री चरणा लागले व म्हणाले, "जी जी येथे वाघ आला होता?"
"हो आला होता." सर्वज्ञ म्हणाले.
" जी जी, मग पुढे काय घडल?
स्वामी म्हणाले, " तो आला आमच्याकडे बघून डरकाळी फोडली, येथून सिंहनाद करताच तो भ्याला व पौळी वरुन उडी मारुन जंगला मधे निघून गेला. हे बघा पौळीचे दगड पडलेत..! आता यापुढे तो वाघ येथे येणार नाही. तुम्ही निश्चिंत रहा."
महादाइसांनी विचारल्यावरुन स्वामी म्हणतात, " बाई तेंव्हा पासुन ही वस्ती निरुपद्रवी झाली." (ली.च. पू.३३)
******
सा.दर्यापुरकर