श्री चक्रधर स्वामींची लिळा - डोडविहीरां [डोढ्रा जि. बुलडाणा] राघवदेवा भेटी

डोडविहीरां [डोढ्रा जि. बुलडाणा] राघवदेवा भेटी:
~~~~~~~~~~~~~~

लीळा :

           पूर्वि राघवभट्टांना भोगनारायणी गोसावियांची भेट झाली होती. परिभ्रमणाच्या पुर्वार्धात आमचे सर्वज्ञ शेंदुर्जनहून डोढ्रा येथे आले. गावाच्या उत्तरेस असलेल्या पिंपळाखाली खडक होता येथे आसन झाले. [ छायाचित्रातील मंदिराच्या ठिकाणी ] राघवभट्टांना तेंव्हा हे काल तेंव्हा त्यांना महाउत्सव केला. घरोघरी सडासामार्जन केले, दारासमोर रांगोळी काढल्या, गुढ्यातोरणे उभारली, पुजा सामुग्री व नानाविध पुजाद्रव्य घेउन वाजतगाजत, नाचतच गोसावियांना सामोरा आला. दंडवत घातले. पुजावसर झाला. स्वामिंना म्हणाले, "गोमटदेवहो या लेकराच्या आवारासी बीजे करावेजी."


       स्वामिंना होकार देताच राघवभट्टांचा हर्ष गगणात मावेना त्या आनंदाच्या भरात ते गायण करीत, नाचत  बागडत आवाराकडे निघाले. लोक विचारीत राघवदेवहो हे कोण ? गात, नाचत म्हणाले, " हे गोमटदेव बा: हे गोमटदेव बा :" अशा प्रकारे गोसावियांना आपल्या घरी आणला. त्यांची दोन आवार होते. त्यातील देव्हारचौकी स्वामिंना आसन झाले. मर्दना मादने झाले. गोसावियांच्या सर्वांगी चंदनाची पिंजरी लावली. पुजावसर झाला.  सहपरिवार गोसावियांना आरोगणा झाली. विडा ओळगविला. येथे वसती झाला. दुसऱ्या दिवसी सुद्धा राघवदेवाच्या आग्रहावरुन स्वामी थांबले. मग तिसऱ्या दिवसी निघाले. बाइसांनी विचारले बाबा हे कोण ? तेंव्हा स्वमिंनी सांगीतल की हे दुंडीराउळांचे अनुग्रहीत.! ( लीळा चरित्र पूर्वार्ध )

                  ####

     आज कार्तिक कृष्ण पंचमी. डोढ्रा येथील स्थानाचा पदस्पर्श पावन दिन.या स्थानापतीस दंडवत प्रणाम..!
                                        सा.दर्यापुरकर.
~~~~~~~~~~~~~~~~~~~~~~~~~